У гібрыднай вайне найбольшым праціўнікам Еўразвязу, у тым ліку Польшчы, з'яўляецца Расія, якая супрацоўнічае з Беларуссю і хакерскімі групоўкамі, якія імкнуцца дэстабілізаваць сітуацыю, – заявіў віцэ-прэм’ер і міністр лічбавых тэхналогій Польшчы Кшыштаф Гаўкоўскі ў сераду, 5 сакавіка, у Варшаве на пасяджэнні Рады ЕЗ па тэлекамунікацыях, транспарце і энергетыцы (TTE) з удзелам міністраў краін Супольнасці, адказных за кібербяспеку.
Палітыкі абмяркоўваюць, сярод іншага, сумесны план дзеянняў краін ЕЗ па барацьбе з інцыдэнтамі ў кіберпрасторы і як «цесна супрацоўнічаць з ваеннымі і грамадзянскімі, калі справа даходзіць да кіберабароны і бяспекі».
Тэмай сустрэчы таксама з'яўляецца павелічэнне інвестыцый у гэтую сферу, каб пераканацца, што ў ЕЗ «ёсць уласны, канкурэнтаздольны сектар кібербяспекі». Таксама абмяркоўваецца пытанне кібербяспекі ў сістэме ахове здароўя.
Рада ЕЗ па тэлекамунікацыях, транспарце і энергетыцы праходзіць у Варшаве ў рамках польскага старшынства ў ЕЗ.
PAP/ez